gogo
تاريخ الانتساب : 02/02/2011
عدد المواضيع : 297
المشاركات : 1274
العمر : 28
 | موضوع: قصة حـب & Love Story  2012-01-05, 01:43 | |
| السلام عليكم ورحمة الله وبركاته
ــــــــــــــــــــــــــــ
قصة حـب & Love Story
بـدأت الـحكاية ... لما شوفتها أول مرة في الجامعة
معرفش حصلي أي وقتها ... خطفت قلبي وعقلي وكل حاجة فيا
وفضلنا مع بعض ... لحد ما جه اليوم اللي قولتلها فيه ... بـحـبـك
كنت متردد وأنا بقولها ... لأن المدة اللي عرفنا فيها بعض مكنتش
طويلة قوي ... قالتلي أنا عارفة أنك كنت هتقول كده ... معرفش كان باين عليا أو هي حست كده من طريقة كلامي معاها .
المهم ... قالت : سبني أفكر ... وطبعاً سبتها عشان ده حقها
المشكلة أن مدة تفكرها كانت بطول قوي ... وجه الرد اللي مكنش متوقع ... أنها ترفض ... فضلنا فترة منتكلمش ... ورجعت أنا فتحت الموضوع تاني ...وطبعاً طلبت تفكر تاني ... وقعدت كدة طويلة بردوا ... ورفضت .... كنت بحبها قوي وأنا مكنتش اعرف
عشان كده طلبت الطلب للمرة التالتة ... وقالت : بس دي أخر مرة هفكر فيها .. قولتلها موافق ... ونفس المدة الطويلة ... ورفضت
قالت : انا مش برفض عشانك أنت ... بس أنا مش عارفة بجد
أديك الحب اللي انت بتدهولي ... وأعمل معاك زي ما أنت بتعمل معايا ... مع أني
مكنتش عايز أي حاجة منها ... غير حبها بس .
وسكت لحد ما الموضوع فات عليه كام يوم ... وفتحت الموضوع للمرة الرابعة ... وقعدت تفكر .. وأنا صابر كل ده .. وقلبي يصبرني وأنا أصبره ... لحد ما اتصلت بيا في مرة وقالت ....
انا موافقة ... كنت ساعتها هموت من الفرحة ... ونزلت التلفون من علي وداني ... وقولتلها ... اقفلي دلوقتي ونكمل بعدين ... كنت ساعتها اسعد واحد في الدنيا ... وفضلنا كده حوالي شهر أو شهرين
قولنا أحلي كلام الحب فيهم .. واتفقنا علي كل حاجة وبالتفصيل .
وفي يوم ... أتصلت بيا وقالت كلام غريب قوي ....
قالت أنا بحبك ... بس مش هنقدر نكمل مع بعض ومن غير أسباب .
ولما صممت أعرف ... قالت : خايفة عليك ... ليه ؟ ومن أيه ؟
معرفش ... بدأ الشيطان يقولي حاجات غريبة قوي ... ومش وصلت لاي تفسير ... لكلمها ده ... بس حبي كان اقوي مني ... مقدرتش أقول خلاص وأنسي الحكاية ... روحت ليها البيت في يوم ......
وعلي فجأة ... وأول ما شوفتها حسيت أني كنت ميت وصحيت تاني
وقابلت اهلها اللي استقبلوني احسن أستقبال ... وكانوا ناس طيبين قوي ... وشربت منها اول فنجان شاي .. كان خفيف سكر زيادة
مهي كانت حافظة .. أنا بحب ايه ... وعشان أنا جيت علي فجأة .. فكان اسرع أكله
ساعتها ... السمك ... اللي انا مش بعرف اقشره
فطبعاً ... هي اللي قشرت ... المهم .. كلمت أبوها في الموضوع
وقبل ما أمشي ... كلمتها لوحدها ... عشان أعرف السر الغامض اللي هي مخبياه عني ... ودمرت بيه حياتي كلها ... رفضت تقول
بس قالت : عشان ان جيت لحد هنا ... أنا هفكر تاني ... وهرد عليك
واقولك علي كل اللي حصل ... واستنيت مدة كانت الدقيقة فيها بتعدي عليا سنة ... لحد ما خلصت امتحانات ... واتصلت بيها ...مردتش عليا .. افتكرت في حاجة او ان الموضوع أنتهي فعلا
بالنسبة ليها ... بس في اليوم التاني ... اتصلت وردت عليا
صوتها .. كان نفسي اسمعوا بجد ... مش هقدر اوصف احساسي ساعتها .. مقدرش انساها او ابعد عنها مش قادر اكلمها عشان صوتها بيوحشني وانا بكلمها ومقدرش مكلمهاش عشان بردوا صوتها بيوحشني ... ردت عليا وكانت بتضحك .. وانا كمان الدنيا كلها كانت بتضحك قدامي ... قولتلها وصلتي لأيه .. قالت : معلش
سبني كمان يومين بس ... وسبتها وبعد اليومين ... بـعـتــت رسـالـة
وقالت : ربــنـا يـسـعـدك و يـوفـقـك& كل شئ قسمة ونصيب .
تحياتي الى من دمر حياتي تحياتي
الى من زاد أهاتي تحياتي الى م
ن أنزل دمعاتي تحياتي الى من أسميته حياتي | |
|
مصطفى البرنس
تاريخ الانتساب : 02/12/2010
عدد المواضيع : 179
المشاركات : 1860
العمر : 29
| | موضوع: رد: قصة حـب & Love Story 2012-01-19, 05:06 | |
| ياترى حقيقية ولا خيالية
تشلم إيدك | |
|
gogo
تاريخ الانتساب : 02/02/2011
عدد المواضيع : 297
المشاركات : 1274
العمر : 28
| | موضوع: رد: قصة حـب & Love Story 2012-01-19, 23:13 | |
| شكرا على المرور نووررت الموضوع | |
|
mona
تاريخ الانتساب : 27/07/2010
عدد المواضيع : 42
المشاركات : 1081
العمر : 32
| | موضوع: رد: قصة حـب & Love Story 2012-01-20, 20:51 | |
| | |
|
gogo
تاريخ الانتساب : 02/02/2011
عدد المواضيع : 297
المشاركات : 1274
العمر : 28
| | موضوع: رد: قصة حـب & Love Story 2012-01-25, 14:42 | |
| | |
|
