بسم الله الرحمن الرحيم
السلام عليم ورحمة الله وبركاتة
عارفين بنحبة لية ..علشان هو اخونا
عارفين بنعشقة لية ..علشان دايما بيفرحنا
عارفين فخورين بية لية ..علشان هو اكتر حد فاهمنا وبيعبر عننا
عارفين فرحانين بية لية ...عشان كلنا عايزين نبقى تامر حسنى
عايزين نبقى زية فى حب الناس لة واحترامهم و فى نجاحة وصبرة وتعبة
تــامر راجل بجد ..تعب وشقى واستحمل ولما نجح مانسيش كل دة
وفضل فاكر اصحابة واهلة وناسة و لسا قريب من ربنا
شفنا فى تامر اللى ماشفناهوش فى اى مطرب تانى ولا هنشوفة
من تواضع وبساطة و عشق للجمهور وتقديس لعملة
تعالوا كدة نقسم شغل تامر حسنى ونشوف ..تامر بيعمل اية اليومين دول ؟
فيلم عمر وسلمى ...مكتسح كل افلام السينما المصرية
من كل المشاركين من اول عادل امام لاحمد حلمى لكل الأفلام الرومانسية والكوميدية والأكشن
افلام فيها نخبة كبيرة من النجوم
تامر بينافسهم فى ملعبهم ..وفى عز الموسم الصيفى
ولحد دلوقتى عمر وسلمى 2 محقق 20 مليون جنية
واقرب حد لة فيلم دكان شحاتة برصيد 14 مليون جنية
ودى ارصدة وارقام من مواقع كبيرة مش من عندى
فيلم كوميدى رومانسى خفيف بطولة تامر
قدر بية يكسب حب الناس ويجمع جمهور السينما
وينزل معركة الصيف ويتفوق
ماشى ..برافو يا تامر
نيجى نشوف تانى اية
البـــوم ...لا قنبــلة اسمها هاعيش حياتى
نزل مع الهضبة عمرو دياب
فى وقت معظم المطربين بيهربوا منة
كل واحد بيختار لة وقت هادى يكون هو فية لوحدة عشان البومة يلفت النظر
الحاجات دى مش مع تامر خالص
تامر ما بيخافش انة يتحط فى مقارنة مع حد
تامر واثق من نجاحة ومن شغلة وواثق فينا احنا
البوم قعد فية سنة كاملة ....ماستريحش و هلك فكرة و مجهودة
عشان يقدمهولنا ..من كلمات والحان و غناء وكمان الكليبات اللى هتتعمل من الألبوم دة
سبنة بحالها قضاها تامر من عمرة عشان يقدم هاعيش حياتى
ربنا عوضة بكل دة
وشفنا اد اية النجاح اللى قابلة والنسخ اللى اتباعت
وزفة الألبوم وفرحتنا احنا بتامر
والأيرادات والأرقام اللى تقريبا اول مرة نسمع عنها
فى تاريخ اى البوم نزل
الالبوم نازل بستايل جديد فى الغنا ...والديوتوهات ..وافكار الأغانى
و اللكنات ...وكل حاجة جديد فى جديد
تامر بيغير وبيجدد من نفسة
البوم هاعيش حياتى يكفينا 10 سنين ادام
وماينفعش يطلع الا من تامر حسنى
بحس كل اغانى تامر ملك تامر وبس
مش هاقبل اسمعها من حد غيرة
وهو دة قمة النجاح
تامر يقدر يغنى اى اغنية ..واغانى تامر مايغنيهاش الا تامر
تالت حاجة
حفلات تامر والأقبال الهايل من كل الشباب عليها
والهجوم اللى بنشوفة ونفاذ التذاكر والزحمة وحب الناس والهدايا
والتعبيرات والأنفعالات اللى بنشوفها فى حفلات تامر ..حفلات تامر وبس
لما بنحس ان اللى واقف بيغنى دة اخونا ..ان اللى بيغنى دة واحد مننا
ونفسة ياخد ايدك ويطلعك معاة ع المسرح ويفرحك
بيكون اجمل احساس فى الدنيا
حفلات تامر لو اتعلمت فى اى وقت ...الناس كلها بتحضر
لو اتعلمت فى اى مكان ...كل الناس بتحضر وبتروح
تامر حسنى فى كل مكان وكل زمان
رابع حاجة
نجاح تامر اللى بنشوفة فى تامر لافرز
الصورة الواحدة اللى بتنزل لتامر بتعمل اية فى الناس
وبتنتشر بسرعة الصاروخ
يوم نزول الألبوم وعدد تحميلة من الموقع
عدد الزوار و الاعضاء المسجلين فى السايت
بقينا اكتر من 166 الف واحد
جيش بيحب تامر معاة ع الحلوة والمرة
لو لا قدر الله نزل خبر ان تامر عيان او حصلة حاجة
ردود الناس فى الموضوع بتبقى عاملة ازاى
تفاعل الناس مع تامر
تفاعلنا احنا مع بعض واحنا متجمعين فى سايت تامر
سايت تامر اول سايت فنان عربى فى الترتيب العالمى
تامر لافرز بقى علامة جودة كل السايتات بتقلدة
دة كلة بسبب اية ..ان فى اسم كبير اوى وفى نفس الوقت بسيط معانا
اسمة تامر حسنى
طب اية ...النجاح عند تامر واد شكل اية
ازاى فى حد كدة بينافس ومابيخافش وبينجح وبيكتسح كمان
ازاى حد ناجح فى كل حاجة كدة
ازاى حد محبوب كدة
مش هاقول غير ان ربنا راضى عنة ...ووالدتة راضية عنة
وعشان هو مجتهد وبيحب الخير للكل
يا بختنا بيك يا تامر ...فرحانين بيك فرحة عمرنا كلة
2009-09-13, 20:50
