الخيانة جت من اقرب الناس......خسرتينا ياشيرين

بسم الله الرحمن الرحيم

اللى حاصل من الفنانة شيرين دلوقتى حاجة محدش مصدقها
لو ركزنا بعد فترة كده من الهجوم وبعد ماعملنا حملات
هتلاقى نفسك مصدوم من اللى حصل

معقولة شيرين اه ياليل زى ما كان الناس مسمينها زمان بتهاجم رفيق كفاحها ونجاحها
تامر حسنى؟!!!

تامر ياشيرين؟
تامر اللى ياما اسمك ارتبط بيه ودايما لما نقول تامر لازم نقول شيرين

طب ليه؟
حتى لو معترضة على حاجة بيعملها مش دى الطريقة اللى تتكلمى بيها
اولا لانك فنانة وليكى وزنك
ثانيا والاهم لان ده زميلك ورفيق مشوارك
ثالثا لانك مكلفتيش نفسك تتاكدى من الاشاعات اللى قولتيها واللى انا واثقة انك عارفة انها غلط واللى اصلا تامر نفاها مليون مرة

اعذرينى ياشيرين

انتى اخطأتى فى حق تامر خطأ لا يغتفر
وواضح اوى انك قاصدة العداوة دى

لو انتى شايفة ان تامر بيأجر المعجبين والبنات عشان يترموا تحت رجله
بحسبة بسيطة هتفهمى....هو تامر زمان اول ماطلع مش كان برضه ليه جمهور كبير بنات وولاد وكبار
يعنى دى حاجة مش جديدة
و كمان هتلاقى انه صعب يأجر جمهوره فى الدول العربية
ده بيبقى جيش
حب الناس مش بفلوس ولا بالغصب ياشيرين

ولو تامر بيتهم عمرو دياب باى تهمة
فاعتقد برضه ان تامر عمره ماتكلم عن عمرو بطريقة سيئة ده لو كنتى بتركزى فى حواراته
دايما بيقول انه من جمهوره واتربى على اغانيه
وبالنسبة للمنافسة اللى مينفعش ان فنانة تتكلم عنها لانها بتمس اتنين
زمايلها ومن الذوق الاجتماعى انك تحترمى الاتنين حتى لو فعلا فيه منافسة
بينهم..وحتى لو اتكلمتى متقوليش اللى انتى قلتيه....فتامر عارف كويس اوى
انه من جيل غير جيل عمرو وقدوته كمان
يعنى كل واحد بينافس فى منطقة بعيدة تماما
والاهم ان تامر انسان محترم نفسه كويس اوى علشان كده الناس بتحترمه

ولو تامر بيستخدم ايحاءات فى كلامه
فاعتقد ان تامر مش بيعمل حاجة الا لما يكون حاسبها كويس
وكلمة فى ودنك كده:تامر بيعمل كده لان بيكون ليه هدف
بنت استهونت بحب حبيبها فيتقال لها اعتذرى للى هتحبيه بعدى....انا كنت احسن واحد ومش هتلاقى زيي فى الحب والحنان
شباب غلطوا باسم الحب
نوجههم ونقولهم ده غلط,,وطالما بيحبوا الفنان ده ليه ميبقاش هو اللى يوجههم يمكن يسمعوا الكلام
فيتقال لهم حاجة زى قسمة ونصيب
ونسيتى كمان انك غنيتى منه كلامه ولحنه,,دلوقتى بقى تامر بيستخدم ايحاءات ولا انتى اللى مصونتيش العيش والملح

كمان لما كنتى فى برنامج اللعب مع الكبار قلتى انك معترضة على كليبات تامر علشان بتظهر فيها البنات وهما بيعيطوا وكده
وقلتى ان ده طبيعى لكن اللى ضايقك ان مش كله حاجة تتعرض للناس ولازم المطرب يختار يعرض ايه وميعرضش ايه
احنا كناس ناجحين مبسوطين بحب الناس لينا,,,يبقى نعرض اللى على مزاجنا
محدش له حاجة عندنا طالما مخرجناش عن حدود الادب,,,واصلا حفلات تامر كلها كده من حب الناس ليه...يعنى صعب نغمض عنينا عن الحجات دى

اتهمتى تامر انه رئيس عصابة واننا تحت ايده
يعنى لما يقول انتشروا ننتشر
واننا نشرنا رقمك هنا
احنا مش بلطجية
ولا هتلاقى ناس عند بيتك مننا بيهددوكى
بس حق تامر هيرجع
واعتقد انك شفتى فى كام يوم الدنيا اتقلبت والصحافة مش مبطلة كلام عننا
حقنا هيرجع بالادب
مش هنستخدم نفس اسلوب اعدائنا

انتى خسرتى شريحة كبيرة اوى من الجمهور ياشيرين
والاهم منها

[u][b]تــامــر حــســنــى
[/b][/u]

مشكوووووور اخي على الخبر

يسلموو احمد ع الخبر

بارك الله فيك

ههههههههههههههههه شيرين بقت مضحكه اوى

» احترم نفسك ......تحترم الناس ....يحترمك الناس::
» الخيانة
» جراحات الخيانة
» الخيانة من حببتى
» مدونات المشاهير تامر ينفي الخيانة وهيفاء ترفض إهانة مبارك