قلب محتاج يعيش .. قلب محتاج كل ثانيه ليك
قلب محتاج يعيش .. مستنى كلمة منك ترجعيه
قد ايه صعب عليا الفراق .. قد ايه بعدك عايش العذاب
كنت عايش قبلك راضى بحياتى كان كفايه عليا اليوم يعدى
ولما قابلتك غيرتى معنى حياتى وبقيت بقول ليه قوام فى حبك العمر بيجرى
ولما بعدتى عنى وقفت حياتى بيا مبقتش عارف نهارى من ليلى بقيت بتعذب وقول ياويلى
الفرق كبير قبل ومعاكى وبعدك
سر الحياة لقيته معاكى
انتى الوحيده الى تقدرى تغيرى مجرى حياتى
فى كتير قابلتهم فى حياتى .. الا انت كنت غير اى حد فى حياتى
لقيت فيكى حلم طفولتى .. لقيت ضحكتى فى عيونك
لقيت دوا جراحى .. عوضتينى عن سنين عشتها لوحدى .. سنين ضاعت وكنت محسوبه بلاش من عمرى
عشان مالقتش زيك ولا هلاقى .. انا فين هلاقى زيك يااملاكى
اللى زيك ميتعوضش تانى .. اللى زيك ميتوصفش بكلام
مهما كان البعد والفراق مقدرش غير انى افضل اقول بحبك اقولها ليكى ولأى حد تشوفه عينى
مهما اتكلمت عنك وعن حبك
لا الكلام بيخلص ولا الحب بيخلص
ده حبك نور شمس مبتنطفيش .. ده حبك ضى القمر
مهما عشت بعدك حتى لو قابلت بعدك .. حبك هيفضل طاغى على قلبى .. هفضل اقول بحبك حتى لو كنتى بعيده عنى
بعدتى ايوا خلاص بعدتى ومرت شهور على بعدنا ولسه قلبك قادر يبعد عنى وانا لسه بتمادى واقول بحبك من كل قلبى
بعدتى ابوا خلاص بعدتى وانا موش لاقى الحياة بعدك
انكسرت وانكسرت جوايا احلامى هو ازاى اعيش يوم بعد فراقك
مهما كان غصب عنك الفراق كنت محتاج احس بحبك بكلمة واحده بس تخلينى قادر أكمل حياتى
عرفتى الفرق ولا لسه
قلب محتاج يعيش .. قلب محتاج كل ثانيه ليك
قلب محتاج يعيش .. مستنى كلمة منك ترجعيه
قلب واحد بس اللى حبك هو قلبى اللى دايما بيحتاجلك
قلب واحد بس اللى حبك هو قلبى اللى لسه بكل كلامه وصوته وغناه بيندهلك
2009-09-25, 05:29
