لسه ف إيدك مفاتيح قلبى..
وبتفهمنى وتعرف طبعى..
مستحيل ح أقدر أخبى..
وأنت حبك كل ذنبى..
غصب عنى ح أفضل أسامح..
طول مابتعرف أنت تصالح..
يبقى واجعنى وأقول مش جارح..
أنا دلوقتى مش ف امبارح..
وبكده بتغلط وعارف.. إن أنا شلال سماح..
مش بترجع وأنت خايف.. تيجى للحضن البراح..
بتقابلنى وتبقى شايف.. إنى مقسوم م الجراح..
للأسف وبتبقى عارف.. مش ح أعاتبك ع اللى راح..
بس نفسى إنك تقدّر..أو تفكر..
فى اللى مش بيحب غيرك..
لما تجرح.. مش بيفرح..
إنصفه وحكْم ضميرك..
اللى بيسامح ملاك..
لما يرضى يعيش معاك..
رغم إ حساسه بآساك..
يبقى بيحبك كتير..
يعنى ينسى..ولا يهجر..ولا يغدر..
مستحيل..
كتر إحساسك بحبى زودك هجر وغرور..
لإنى مش بعرف أخبى لما تسألنى بقول..
والحنيه تبان فى عينيه.. وبتغلبنى دموع وآهات..
وأنت بتعرف تلعب بيا.. علشان طول الوقت بعاد..
أنا مابصدق ترضى عليه..أمسح دمعى وأقول ياسكات..
لسه ف ايدك مفاتيح قلبى..وبتعرف تضبط أوتاره..
آه من حبك آه من قلبك..
آه على قلبى واللى جراله
2011-07-17, 19:23
